دانلود آهنگ ترانه دُندال

گِریُوم شو و روز ز دندال دیمه ................... ز تنهایی خُم ............ ز ای بی بفائی
ز نو وا خیالت ارم بال دیمه ..................... و هی ایگریوم ............ که بَلکم بیائی
بیو آرمونم، مَنِه تش به جونُم ..................... که وارهدن تو ......... دلم غم به باره
دِرَو جور افتو مِنِه آسمونم ................... که شاید بوینُم ............ خوشی روزگاره
شیرینم! سِتینُم! ایخوام ریته بینُم ............. که وا دیدن تو ........... بُهاره زمستون
بیوبال چَشمه که تی تو نشینُم ........... که وا یک بُوَندیم .............. زِ نو عَهد و پیمون
بَسه بی بفائی! بسه دی جدائی! ......... به شوگار جونُم .............. دِرَو جور اَفتو
هِنی تی به رَهِتُم که زیتر بیائی ........ دِلُم نیگره جا ............... تیام نیکُنِن خَو
وُری ز تیری بیو، که بی تو مِنِ تَو .......... مِنِ خُم اِسوسُم ............ هِنی واخیالت
نِدونُم چه کِردُم که هِی بمُ ایگویی رَو ................ مو بختم سیاهه ............ چی تُرنه شِلالت
دِلُم چی کُنده، هَمِس غم به باره .................... که زردی گرهده .............. ز سر تا به ریشه
وَرِ بَردِ مَردُم دیه سا نداره ...................... دِرَهدِ غریوی ........................ که خُشکه هِمیشه
ای دل پاکت چی افتو تیر مِرزِنگِت چی بِرنَو
تا ایاهی واخیالم ایدِرا به مالُم اَفتو
دل به شوقت ایبوهه تنگ اسمته هی ایزنه بنگ
اَر نیاهی وادیارم هَرسُم ایبو جور کُهرنگ